|
|
|
Kortlagning sprungusvæða á jöklum |
 |
 |
 |
|
Skrifað af: Snævarr
|
|
Miðvikudagur, 18. Janúar 2012 21:32 |
|
Á síðustu árum eða áratugum hefur ferðum fólks um hálendið og á jökla fjölgað gríðarlega, ekki síst á breyttum jeppum og vélsleðum. Á sama tíma hafa jöklar hins vegar verið að breytast mikið samfara hlýnun loftslags. Þeir hafa rýrnað og hörfað ört síðan um miðjan 10. áratug 20. aldar. Þetta hefur leitt til mikilla breytinga á yfirborði, ekki síst í grennd við jafnvægislínu. Safnsvæði jöklanna hafa minnkað að flatarmáli eftir því sem jafnvægislína hefur hækkað, það bráðna burtu hjarnbrýr sem áður brúuðu gamlar sprungur. Afleiðingin er sú að sífellt víðfeðmari svæði á jöklum eru sprungin. Auk þess er þykkt fyrninga á safnsvæði að jafnaði minni og snjó- og hjarnbrýr yfir nýmyndaðar eða virkar sprungur því þynnri en ella. Hætta vegna sprungna í jöklaferðum hefur aukist af þessum ástæðum.
Frá árinu 2010 hefur höfundur heimasvæðisins unnið að því að kortleggja sprungsvæði á jöklum. Þetta er gert til þess að bæta öryggi ferðalanga og vara við þeim hættum sem stafa af jökulsprungum. Engu að síður verða ferðalangar sem fara um jökul ætíð að vera á varðbergi því kortin eru fyrst og fremst til hliðsjónar. Nú er kortlagningu nær allra stóru jöklanna lokið og styttist í að sá síðasti þeirra, Hofsjökull, verði tilbúinn. Frekari upplýsingar um kortin færðu hér. Þar getur þú jafnframt halað kortinn inn í PDF formi eða í GPS tæki. Smelltu hér. |
|
Skrifað af: Snævarr
|
|
Þriðjudagur, 06. Janúar 2009 00:00 |
Þarftu að bóka Stjörnuverið?Ef þú vilt vita meira um Stjörnuverið en fram kemur á þessu heimasvæði þá getur þú sent fyrirspurnir hér. Í sama póstfangi getur þú lagt inn pöntun fyrir Stjörnuverinu. Sendu skeytið beint á:
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
. Vinsamlega láttu nafn skólans, þitt nafn og póstfang fylgja. Ef þú vilt hafa samband eða vita meira um ljósmyndasafn Náttúrumynda eða panta slíkar myndir skaltu einnig senda skeyti á sama póstfang. Er skjárinn rétt stilltur?Til að myndirnar njóti sín er gott að stilla skjáinn eftir gráskalanum, lengst til hægri á að vera alveg svart, svo dökkgrátt og loks alveg hvítt lengst til vinstri. 
|
|
Síðast uppfært: Laugardagur, 21. Febrúar 2009 14:25 |
|
|
Náttúrumyndir og Stjörnuverið |
|
|
|
|
Skrifað af: Snævarr
|
|
Þriðjudagur, 06. Janúar 2009 00:00 |
|
Vertu velkominn á heimasvæði Náttúrumynda og Stjörnuversins. Hér fást upplýsingar um Stjörnuverið en einnig má skoða ljósmyndir úr safni Náttúrumynda. Af aðalvalmynd, hér til vinstri, er vísað á upplýsingasíður um stjörnuverið og hvað það býður upp á fyrir námskeið og kennslu. Aðrar krækjur á listanum vísa á stjörnuathuganir, ljósmyndir m.a. af stjarnfyrirbærum, frá Íslandi eða öðrum löndum. Í myndum og efni á þessu vefsvæði beinist athyglin svo til mest að náttúrunni en þó ekki alveg. Myndirnar eru að mestu af landslagi frá ýmsum stöðum, stjörnuhimninum og af norðurljósunum.
Stjörnuverið
Stjörnuver er sýndarheimur þar sem áhorfendur sitja inni í kúlulaga hvelfingu og sérhannað sýningartæki varpar mynd af stjörnuhimninum á veggi hennar. Í stjörnuveri fræðast áhorfendur um stjörnurnar, reikistjörnur, tunglið og önnur fyrirbæri alheimsins. Í einu vetfangi má ferðast á milli reikistjarna, sjá skýjabelti Júpíters, hringa Satúrnusar eða skoða Jörðina frá fjarlægum sjónarhornum. Stjörnuverið er flytjanlegt en er engu síður skilgreint sem „Full Dome Theater” vegna fjölhæfra sýningamöguleika.
Leggja má inn pantanir með því að senda póst neðar á síðunni. 
Höfundaréttur: Allt efni á þessu vefsvæði er frumsamið en fræðilegar skýringar á stjarnfræðilegum fyrirbærum hafa verið sóttar í viðurkenndar heimildir. Skal leita samþykkis höfundar ef óskað er eftir notkun þess annars staðar. Sama gildir um allar ljósmyndir en þær eru hugverk höfundar. Copyright © 2009 by Snævarr Guðmundsson. All rights reserved. |
|
Síðast uppfært: Miðvikudagur, 18. Janúar 2012 21:55 |
|
Skrifað af: Snævarr
|
|
Þriðjudagur, 06. Janúar 2009 00:00 |
|
Stjörnuverið er flytjanlegt og hannað til þess að setja upp í leikfimisölum, mötuneytum eða kennslustofum. Um er að ræða tjaldhvelfingu sem haldið er uppi með öflugum loftblæstri og því er loftræsting góð. Er hvelfingin hönnuð þannig að auðveldlega má rýma hana á örfáum sekúndum ef eitthvað óvænt kemur upp.
Þvermál hvelfingarinnar er 4,2 m og hæð hennar er 3,2 m. Grunnflöturinn er því nærri 17 m2. Í stjörnuverinu geta 26 manns setið ásamt fyrirlesara en mun fleiri börn. Inni í hvelfingunni situr fólk á púðum á gólfinu en venjulega er mælt með að leggjast á gólfið enda fer mun betur um það þannig. Fatlaðir geta einnig heimsótt stjörnuverið en þá er þeim skotið inn á undan öðrum. Inni í stjörnuverinu er sýningartæki sem sýnir hvernig næturhiminninn blasir við – hvaðan sem er – frá miðbaugi til heimskauta. Hafðu samband beint á:
Þetta tölvupóstfang er varið gegn ruslpósts þjörkum, Þú verður að hafa JavaScript virkt til að sjá það.
til að fá frekari upplýsingar um Stjörnuverið. |
|
Síðast uppfært: Mánudagur, 23. Febrúar 2009 08:15 |
|
|
